Shkupi përkujton 63-vjetorin e tërmetit katastrofik me një shëtitje panoramike për qytetarët
Me rastin e 63-vjetorit të tërmetit shkatërrues të vitit 1963, Qyteti i Shkupit organizoi një shëtitje panoramike falas, duke u ofruar qytetarëve mundësinë të njihen më nga afër me historinë, trashëgiminë dhe transformimin e kryeqytetit pas kësaj tragjedie të madhe.
Përmes një autobusi panoramik dhe nën udhëheqjen profesionale të një guide turistike, pjesëmarrësit patën mundësi të mësojnë më shumë për pamjen e Shkupit para tërmetit, për ndërtesat e rëndësishme që u shkatërruan, si dhe për vendet që kanë luajtur rol të veçantë në historinë dhe identitetin e qytetit.
Kryetari i Qytetit të Shkupit, Orce Gjorgjievski, bëri të ditur se aktiviteti u realizua në bashkëpunim me Shoqatën Maqedonase të Guiderëve Turistikë dhe Shoqëruesve, me qëllim ruajtjen dhe promovimin e kujtesës historike të qytetit.
“Me autobus panoramik dhe udhëheqje profesionale nga një guidë turistike, qytetarët patën mundësinë të zbulojnë se si dukej Shkupi para tërmetit, të dëgjojnë rrëfime për objektet e shkatërruara dhe për vendet që formësuan pamjen dhe jetën karakteristike të qytetit”, ka shkruar Gjorgjievski.
