Voziste me 211 km/h, arrestohet shoferi

Sot (23.07.2026), në orën 16:21, në autostradën Shkup–Tetovë, te nyja e Kondovës, nëpunës policorë të Njësitit Mobil për Sigurinë e Qarkullimit Rrugor pranë Sektorit për Çështjet e Komunikacionit të MPB-së e privuan nga liria një shofer fillestar, i cili drejtonte një automjet udhëtarësh “Folksvagen Arteon” me targa të Shkupit me shpejtësi prej 211 km/h, që është më shumë se dyfishi i shpejtësisë maksimale të lejuar për një shofer fillestar në autostradë.
Gjatë kontrollit rrugor, të realizuar me radar, është konstatuar se I.A. (18), si shofer fillestar, e ka drejtuar automjetin me shpejtësi përtej të lejueshmes me ligj prej 100 km/h.
Për shkak të kryerjes së veprës penale, automjeti është sekuestruar, personi është privuar nga liria dhe është ndaluar në stacion policor për procedurë të mëtejshme.