Mickoski nga Velesi: Me ribalancin e buxhetit do të sigurohen mjete për lidhjen e hidrosistemit Lisiçe me Liqenin Mlladost, ndërsa këtë verë nis edhe ndërtimi i garazhit nëntokësor në kate

Dëshiroj të shpreh kënaqësinë time për të gjitha këto projekte që janë në fazën e realizimit, si dhe për projektet që do të realizohen në periudhën në vijim. Do të doja vetëm shkurt ta plotësoja atë që e përmendi kryetari i komunës lidhur me tubacionin që duhet ta lidhë hidrosistemin Lisiçe me Liqenin Mlladost.

Janë bërë përpjekje përmes ridestinimit të mjeteve nga Ministria e Mjedisit Jetësor dhe besoj se me ribalancin e buxhetit do të sigurohen mjetet për ato pak kilometra tubacion që mungojnë, në mënyrë që të lidhen këto dy sisteme. Kështu do të zgjidhet edhe një çështje tjetër e rëndësishme. Siç tha edhe kryetari i komunës, atë që është shkatërruar për dekada nuk mund ta zgjidhim brenda natës, por megjithatë, hap pas hapi dhe prioritet pas prioriteti po i përfundojmë projektet dhe në këtë drejtim do të vazhdojmë edhe më tej. Është e rëndësishme të mos krijojmë probleme të reja, të cilat në thelb do të paraqisnin vështirësi për qytetarët e Velesit.

Dëshiroj ta përgëzoj kryetarin e komunës për punën që po bën, punë me shumë motivim, me fokus të madh dhe puna e tij është vërtet frymëzuese. Dëshiroj t’i falënderoj edhe këshilltarët, administratën e Këshillit, deputetët nga Velesi, të cilët angazhohen që Velesi të përfitojë sa më shumë projekte nga Qeveria. Kështu do të vazhdojmë edhe më tej. Në mesin e prioriteteve tona strategjike dhe në fokusin tonë mbetet Velesi.

Gjithashtu dëshiroj ta falënderoj zëvendëskryeministrin dhe ministër i transportit, si dhe kolegët e tjerë, të cilët përmes punës së tyre realizojnë projekte dhe po i zbatojnë prioritetet që ua kemi premtuar qytetarëve.

Edhe një herë, falënderim për qytetarët e Velesit, veçanërisht për durimin e tyre, sepse të gjitha këto projekte kërkojnë kohë për t’u realizuar. Megjithatë, një nga një po i përfundojmë dhe jam shumë i kënaqur që më në fund këtë verë do të fillojë ndërtimi i garazhit nëntokësor me kate në qendër të qytetit, së bashku me sheshin e ri. Shpresoj që gjatë vitit të ardhshëm të kemi një tërësi funksionale, diçka që ka qenë prioriteti ynë që nga koha kur ishim në opozitë.