Probleme para Kupës së Botës: Fusha përmbytet, shtyhet ndeshja e Anglisë

Ndeshja e fundit miqësore e Anglisë para Kupës së Botës është shtyrë për shkak të kushteve të pafavorshme atmosferike.

“Tre Luanët” ishin planifikuar të përballeshin me Kosta Rikën në stadiumin Raymond James Stadium në Tampa Bay.

Kjo ishte mundësia e fundit për trajnerin Thomas Tuchel që të shihte lojtarët e tij në aksion përpara se Anglia të nisë fushatën e saj në Kupën e Botës me ndeshjen kundër Croatia më 17 qershor.

Megjithatë, ndeshja, e cila ishte paraparë të fillonte në orën 21:00 sipas kohës GMT, është shtyrë.

Vendimi u konfirmua nga llogaria zyrtare e Kombëtares së Anglisë në rrjetet sociale.

Në deklaratë thuhej:

“Ndeshja e sotme kundër Kosta Rikës është shtyrë për shkak të kushteve atmosferike në Orlando. Do të ofrojmë përditësime të mëtejshme sapo t’i kemi.”

Reshjet e dendura të shiut kanë bërë që fusha të mbulohet nga uji, ndërsa tifozëve u është kërkuar të strehohen në vende të sigurta, përmes një njoftimi të shfaqur në ekranin gjigant të stadiumit.

Gjithashtu, në zonë janë vërejtur edhe goditje rrufesh, çka ka shtuar shqetësimet për sigurinë dhe ka bërë të domosdoshëm largimin e përkohshëm të tifozëve nga tribunat.

Autoritetet kanë lëshuar edhe një paralajmërim meteorologjik për rajonin për shkak të motit të keq që po mbizotëron në zonë.