Tre lojtarë të Barcelona fitojnë çmime individuale për sezonin e përfunduar në La Liga

Barcelona e mbylli sezonin 2025-26 me një humbje 3-1 ndaj Valencias, por rezultati ka pak rëndësi në një sezon që ishte shumë i suksesshëm për katalanasit.

Skuadra e Hansi Flickut fitoi dopietën vendore, duke marrë La Ligan dhe Superkupën e Spanjës, e cila u fitua me lehtësi.

Sezoni ishte veçanërisht i veçantë edhe për tre lojtarë që morën çmime individuale të rëndësishme.

Portieri Joan Garcia fitoi “Trofeun Zamora” si portieri me mesataren më të mirë të golave të pësuar në La Liga, me vetëm 21 gola në 30 ndeshje (0.7 për ndeshje).

Ai la pas portierin e Real Madridit, Thibaut Courtois.

Në repartin ofensiv, dyshja Lamine Yamal dhe Ferran Torres ndanë “Trofeun Zarra”, i cili i jepet lojtarit spanjoll me më shumë gola në La Liga.

Të dy shënuan nga 16 gola, një më shumë se Mikel Oyarzabali.

Në total, ata udhëheqën një sezon dominues për Barcelonën në futbollin spanjoll, nën drejtimin e Flick.

Të tre lojtarët pritet të kenë rol të rëndësishëm edhe në verë, kur Spanja do të marrë pjesë në Kupën e Botës 2026 në Amerikën e Veriut.

Lamine Yamal dhe Ferran Torres janë të sigurt në listë, ndërsa Joan Garcia do të garojë për vendin e tretë të portierit me Álex Remiro, së bashku me Unai Simón dhe David Raya.