PSG i shqetësuar për Dembélé, sulmuesi doli nga fusha i dëmtuar në derbin ndaj Paris FC

Gjendja shëndetësore e Ousmane Dembélé është pak shqetësuare.

Sulmuesi i PSG-së, sulmuesi i kombëtares franceze dhe fituesi i “Topit të Artë” 2025, doli nga fusha i lënduar në minutën e 27-të të ndeshjes së së dielës në mbrëmje në Stade Jean-Bouin kundër Paris FC . Ai ndjeu shqetësim në pulpë dhe u largua nga fusha si masë paraprake.

“Nuk kam asgjë për të thënë për Ousmanen, do të duhet të presim deri nesër (të hënën) për ta ditur saktësisht, por mendoj se është thjesht lodhje”, tha trajneri i PSG-së, Luis Enrique, në një konferencë për shtyp.

“Ajo që po themi sot është vetëm spekulim, por nuk mendoj se është e komplikuar dhe kanë mbetur edhe dy javë”, para finales së Ligës së Kampionëve, e cila zhvillohet pas trembëdhjetë ditësh kundër Arsenalit, më 30 maj në Budapest.

Ky pengesë vjen gjithashtu më pak se një muaj para Kupës së Botës me ekipin kombëtar francez. Parizieni (29 vjeç) është zëvendësuar nga Gonçalo Ramos.