Vrasje e trefishtë në Mal të Zi: Dy vëllezër shqiptarë nga Rozhaja mes viktimave

Një vrasje e trefishtë ka ndodhur në Podgoricë të Malit të Zi.

Sipas raportimeve të “Vijesti”, në mesin e viktimave janë dy vëllezër nga Rozhaja Denis Hot (28) dhe Nezrin Hot (27).

Raportohet se krimi nuk është i lidhur me goditjen ndaj grupeve kriminale.

Zyrtarët e policisë të Malit të Zi në koordinim me Zyrën e Prokurorit të Lartë të Shtetit në Podgoricë kanë ndërmarrë masa dhe veprime urgjente për të gjetur personin e dyshuar për një vrasje të trefishtë të ndodhur sot në Podgoricë.

Personi i dyshuar për vrasjen është Vehid Murić, me origjinë nga Rozhaja, njoftoi policia, shkruan RCTG.

“Të gjitha kapacitetet e disponueshme të Drejtorisë së Policisë janë vënë në dispozicion me qëllim gjetjen dhe ndalimin e tij, dhe gjithashtu u bëjmë thirrje qytetarëve të japin të gjitha informacionet që mund të jenë të rëndësishme për informacionin e tij.

U kërkojmë qytetarëve të raportojnë këtë informacion në stacionin më të afërt të policisë ose duke telefonuar në numrin 122, dhe nëse gjenden në të njëjtën zonë ose ndërtesë me këtë person, të jenë të kujdesshëm. Po u dërgojmë foto të fytyrave të të dyshuarve në stacionet radiofonike. Burime të hapura, në mënyrë që ta bëjnë më të lehtë njohjen dhe raportimin e të dyshuarit”, njoftoi policia.

https://www.vijesti.me/vijesti/crna-hronika/805328/trostruko-ubistvo-na-starom-aerodromu-policija-traga-za-vehidom-muricem-iz-rozaja