Mahmoud Pezeshkian i kundërvihet Trump-it: Askush s’na heq të drejtat bërthamore

Presidenti i Iranit, Mahmoud Pezeshkian, ka reaguar ndaj qëndrimeve të presidentit amerikan Donald Trump për programin bërthamor iranian.

Gjatë një vizite në Ministrinë e Sportit në Teheran, Pezeshkian u shpreh se SHBA nuk mund t’i mohojë Iranit të drejtën për të zhvilluar programin e tij bërthamor, duke e cilësuar këtë si një të drejtë ligjore të vendit.

Ai u ndal edhe te situata aktuale mes dy vendeve, duke thënë se Irani po kërkon një zgjidhje të konfliktit me dinjitet, ndërsa afati i armëpushimit mes SHBA-së dhe Iranit pritet të përfundojë të mërkurën.

Pezeshkian konsiderohet si një figurë më e moderuar në politikën iraniane, megjithëse ndikimi i tij në vendimmarrje shihet si i kufizuar.

Sipas vlerësimeve të Instituti për Studimin e Luftës, roli i ushtrisë në Iran po bëhet gjithnjë e më i rëndësishëm, edhe në çështjet diplomatike.

Një nga pikat kryesore që vazhdon të mbajë të bllokuara bisedimet është kërkesa e SHBA-së që Irani të heqë dorë nga uraniumi i pasuruar, çështje që mbetet ende pa zgjidhje.