Garda Revolucionare e Iranit paralajmëron anijet ushtarake që i afrohen Ngushticës së Hormuzit

Korpusi i Gardës Revolucionare Islamike të Iranit paralajmëroi të dielën se çdo anije ushtarake që përpiqet të afrohet në Ngushticën e Hormuzit do të trajtohet ashpër dhe me vendosmëri.

Presidenti i SHBA-së, Donald Trump, tha në një postim në Truth Social më herët gjatë ditës së sotme se Shtetet e Bashkuara do të fillojnë shkatërrimin e minave që Irani kishte vendosur në ngushticë, duke thënë se çdo iranian që qëllon drejt anijeve paqësore, do të hidhet në erë.

Në një deklaratë të publikuar nga Fars, një organizatë gjysmëzyrtare, e lidhur me IRGC-në, grupi tha se ngushtica është nën kontroll dhe mbetet e hapur për anijet civile me kusht që ato të jenë në përputhje me rregulloret përkatëse.

“Çdo anije ushtarake që përpiqet të afrohet në Ngushticën e Hormuzit me çfarëdo preteksti ose justifikimi do të konsiderohet shkelje e armëpushimit dhe do të trajtohet ashpër dhe me vendosmëri”, shtoi Garda Revolucionare e Iranit.