Trump paralajmëron Iranin: Anijet tona po ngarkohen me municione nëse dështojnë negociatat

Presidenti i Donald Trump ka rikthyer tonet kërcënuese ndaj Irani, në prag të nisjes së bisedimeve të shumëpritura që pritet të zhvillohen në Pakistani.

Në një intervistë telefonike për New York Post, Trump deklaroi se anijet luftarake të Shtetet e Bashkuara të Amerikës po ngarkohen me “municionet më të mira”, duke lënë të hapur mundësinë e rifillimit të sulmeve në rast se negociatat dështojnë.

“Do ta zbulojmë brenda rreth 24 orësh. Do ta dimë shumë shpejt,” u shpreh Trump, kur u pyet nëse besonte se bisedimet do të rezultonin të suksesshme.

Ai shtoi se administrata e tij po ndërmerr një “reset”, duke theksuar forcimin e kapaciteteve ushtarake:

“Po ngarkojmë anijet me municionet më të mira, armët më të mira të ndërtuara ndonjëherë – madje më të mira se ato që kemi përdorur më parë dhe me të cilat i kemi shkatërruar,” deklaroi ai.

Në përfundim, Trump i dërgoi një mesazh të drejtpërdrejtë Teheranit:

“Nëse nuk arrijmë një marrëveshje, do t’i përdorim, dhe do t’i përdorim në mënyrë shumë efektive.”