Danimarka e mposht bindshëm Maqedoninë, shuhet ëndrra për Botëror

Përfaqësuesja e futbollit e Maqedonisë nuk do të luajë në Kampionatin e ardhshëm Botëror në SHBA, Meksikë dhe Kanada, pasi sonte në gjysmëfinalen e barazhit u mposht bindshëm dhe u eliminua nga Danimarka me rezultatin 4-0.

Futbollistët e Maqedonisë zhvilluan një pjesë të dytë të dobët, pasi në pjesën e parë nuk pati gola, ndërsa më pas danezët arritën shpejt një epërsi prej 3-0, për vetëm 10 minuta.

Fillimisht, në minutën e 49-të, Damsgaard shënoi pas një topi të kthyer. Më pas pasuan dy gola brenda një minute nga Isaksen. I pari në minutën e 58-të, pas asistimit të Damsgaard, ndërsa vetëm një minutë më vonë ai realizoi sërish, duke e dërguar topin e kthyer në rrjetën e Dimitrievskit.

Rezultatin përfundimtar 4-0 e vendosi Nørgaard në minutën e 76-të, pasi pas një krosimi nga këndi i Eriksen, me kokë e dërgoi topin në portën e Maqedonisë.