Mashtrim me kriptovaluta në Gostivar – 66-vjeçari humb mbi 21 mijë denarë

Një rast mashtrimi është regjistruar në Gostivar, njofton Tetovasot.

Sipas të dhënave të siguruara nga Tetovasot, më 21.02.2026 rreth orës 13:30, një 66-vjeçar nga një fshat i Gostivarit ka denoncuar se është mashtruar përmes një profili në rrjetet sociale me emrin “E.K.”, i cili i ka premtuar bashkëpunim për investime në kriptovaluta.

Siç bën të ditur Tetovasot, viktima në tri raste ka paguar gjithsej 21.930 denarë në llogarinë e një personi M.K., për shpenzime të supozuara për tërheqjen e fitimit, ndërsa më pas ka kuptuar se bëhet fjalë për mashtrim.

Policia po ndërmerr masa për zbardhjen e rastit, ndërsa Tetovasot do të informojë për çdo zhvillim të ri.