Kivu: Kemi humbur Lautaron, dëmtimi i kapitenit është mjaft serioz

Trajneri i Interit, Kristian Kivu, ka komentuar humbjen 3 me 1 që skuadra e tij regjistroi në transfertë ndaj Bodo Glimitit, teksa në prononcimin e dhënë për “Sky Sport”, pas ndeshjes, shpjegoi edhe arsyet e disfatës.

“E dinim që nuk do të ishte e lehtë. Pjesa e parë është një dëshmi e ndeshjes. Përshtatja me kushtet nuk ishte e lehtë, por qëndrimi ynë ishte i duhuri. Edhe pasi pësuam golin, u rikthyem në lojë, por më pas u habitëm pak nga kontrolli i tyre i topit në trancizione, ku janë vërtetë të mirë. Do të duhet të jemi në të njëjtën mënyrë duke harruar këtë ndeshje. Tani është kampionati dhe pastaj do të mendojmë për ndeshjen e kthimit sepse gjithçka është ende e hapur.

Pavarësisht vështirësive dhe të ftohtit, u përpoqëm, por kjo nuk është justifikim. Tani duhet të bëjmë një bilanc, kemi disa probleme të vogla pas kësaj ndeshjeje. Mendoj se e humbëm Lautaro Martinezin, ai u lëndua. Por ka lojtarë të tjerë për t’i vlerësuar nesër. Dëmtimi i Lautaros ishte mjaft serioz.

Ajo që na bëri përshtypje ishte intensiteti dhe cilësia e tranzicioneve të tyre, ishim të ngadaltë dhe të befasuar kur u kthyem. Ekipet e tjera nuk janë mësuar me këtë fushë dhe ato arrijnë të bëjnë diçka më shumë se kundërshtarët e tyre”, deklaroi Kivu.