Me zgjidhjen e re ligjore deri në cilësi më të lartë në arsimin e lartë, paralajmëroi Janevska

Zgjidhja e re ligjore do të sjellë deri në cilësi më të lartë të arsimit sipëror. Me të nuk hyhet në autonominë e universiteteve, thotë ministrja e Arsimit dhe Shkencës, Vesna Janevska dhe shtoi se së shpejti do të ketë debate publike, në të cilat të gjithë palët e prekura do të mund të japin vërejtje të veta.

“Lidhur me komentet, këto janë vërejtje relativisht të vogla. Por, siç thashë, do të kemi një debat publik në çdo universitet, duke filluar nga java e ardhshme, ku komuniteti akademik do të jetë në gjendje të japë publikisht vëzhgimet, komentet apo diskutimet e tij. Sigurisht, ne do të kujdesemi që çdo gjë që është e justifikuar të përfshihet në ligj. Pavarësisht nëse universitetet janë të reja apo të vjetra, ne duhet të promovojmë cilësinë e arsimit të lartë dhe nuk mund të ketë diskriminim për sa i përket viteve të ekzistencës së universitetit. Të gjithë mësimdhënësit dhe të gjithë studentët duhet të jenë të barabartë dhe të përmbushin dispozitat dhe kushtet e parashikuara për të gjithë në të gjithë territorin”, u përgjigj ministri në pyetjen e gazetarëve gjatë vizitës në shkollën fillore komunale “Nevena Georgieva – Dunja”.

Ajo theksoi se autonomia e universiteteve me këtë ligj, nuk është prekur fare. Por, janevska nënvizoi se universitetet duhet të jenë koshientë dhe duhet të jenë llogaridhënës ndaj Qeverisë për fondet që ajo ia jep.

Duke u përgjigjur në një pyetje tjetër, Janevska nënvizoi se gjatë gjithë kohës prej kur është formuar Qeveria, ata i plotësojnë kushtet që studentët i kërkojnë – ato për të cilat konsideron se mund të plotësohen dhe janë të arsyeshme.