Rutte: Fola me Trumpin për Grenlandën

Sekretari i Përgjithshëm i NATO-s, Mark Rutte, tha sot se ka folur me Presidentin e SHBA-së, Donald Trump, rreth situatës së sigurisë në Grenlandë dhe Arktik.

“Ne do të vazhdojmë të punojmë për këtë dhe mezi pres ta takoj atë në Davos” javën e ardhshme, shkroi Rutte në X. Ai nuk dha asnjë detaj rreth përmbajtjes së telefonatës.

Elita politike dhe e biznesit do të takohen javën e ardhshme në takimin vjetor të Forumit Ekonomik Botëror (WEF) në Davos. Presidenti i SHBA-së pritet të marrë pjesë në forum.

Trump dëshiron pronësi të plotë të Grenlandës , një territor autonom danez, dhe ka kërcënuar me tarifa më të larta për tetë vende që kanë rënë dakord të kontribuojnë me personel në një stërvitje të NATO-s në Grenlandë.

Spoke with @POTUS regarding the security situation in Greenland and the Arctic. We will continue working on this, and I look forward to seeing him in Davos later this week.

— Mark Rutte (@SecGenNATO) January 18, 2026