Konsumi i energjisë në Kinë arriti në 10 trilionë kWh në vitin 2025

Konsumi total i energjisë elektrike në Kinë arriti një moment historik në vitin 2025, duke tejkaluar 10 trilionë kilovat-orë për herë të parë, njoftoi të shtunën Administrata Kombëtare e Energjisë (NEA), citon “Xinhua”.

Përdorimi total i energjisë në Kinë arriti në 10.4 trilionë kilovat-orë vitin e kaluar, duke përfaqësuar një rritje prej 5 për qind në baza vjetore, sipas të dhënave zyrtare.

Sipas administratës, ky vëllim e bën Kinën vendin e parë që tejkalon kufirin prej 10 trilionë kWh në përdorimin vjetor të energjisë, më shumë se dyfishi i atij të Shteteve të Bashkuara dhe duke tejkaluar konsumin e kombinuar të energjisë të BE-së, Rusisë, Indisë dhe Japonisë.