Arrestohet në Bllacë 29-vjeçari nga Kosova i kërkuar nga Interpoli





Më 28 nëntor 2025, rreth orës 09:40, në Vendkalimin Kufitar Bllacë e Poshtme, zyrtarët policorë kanë privuar nga liria D.M. (29) nga Republika e Kosovës.

Gjatë kontrollit rutinë në hyrje të shtetit, është konstatuar se ai figuron me masën “arresto”, sipas kërkesës së Sektorit për Bashkëpunim Policor Ndërkombëtar – Interpol. Pas konstatimit, i dyshuari është ndaluar dhe më pas është dorëzuar te zyrtarët e Interpolit për procedurë të mëtejshme.

Autoritetet po vazhdojnë veprimet sipas protokolleve ndërkombëtare të bashkëpunimit policor.TS