Kryeministri i Kinës shpreh gatishmërinë për të bashkëpunuar me Zambian dhe Tanzaninë në ndërtimin e një qendre të re ekonomike

Kryeministri Li Qiang tha të enjten se Kina është e gatshme të punojë me Zambian dhe Tanzaninë, për të çuar përpara zhvillimin e një brezi prosperiteti përgjatë Hekurudhës TAZARA, si dhe për të nxitur së bashku një qendër të re rritjeje ekonomike.

Ai i bëri deklaratat në kryeqytetin e Zambias, Lusaka, ndërsa mori pjesë në ceremoninë e hapjes së projektit të rigjallërimit të TAZARA-s, së bashku me Presidentin e Zambias Hakainde Hichilema dhe zv/Presidentin e Tanzanisë Emmanuel Nchimbi.

Hekurudha, theksoi Li, shërben si një urë që lidh ngushtë popujt e Kinës, Tanzanisë dhe Zambias. Ai vlerësoi frymën e TAZARA-s si një trashëgimi të çmuar, të krijuar përmes përkushtimit dhe punës së palodhur – një trashëgimi që duhet të çmohet dhe të ruhet.

Li theksoi se të tre qeveritë do të ofrojnë mbështetjen e nevojshme për rigjallërimin e hekurudhës dhe i nxiti palët të përmbahen në ndërtime me cilësi dhe standarde të larta. Ai theksoi rëndësinë e bërjes së projektit një pikë referimi të sigurt, efikas dhe të besueshëm, që vendos një shembull për bashkëpunimin me cilësi të lartë të nismës “Një Brez, një Rrugë”.

Nga ana e tyre, Hichilema dhe Nchimbi thanë se rigjallërimi i hekurudhës mishëron të ardhmen e përbashkët të tre kombeve, si dhe përpjekjet e tyre të përbashkëta për të ndërtuar një të nesërme më të mirë, thanë ata. Ata shtuan se hekurudha do të bëhet një shembull i gjallë, se si popujt kinezë dhe afrikanë, e çojnë përpara miqësinë e tyre dhe punojnë së bashku për rigjallërimin.