Turqia akuzon Izraelin për shkelje të hapur të marrëveshjes së armëpushimit pas sulmeve në Gaza

Ministria e jashtme e Turqisë ka thënë se sulmet izraelite në Gaza këtë mbrëmje “shkelin hapur” marrëveshjen e armëpushimit që arriti me Hamasin, ka raportuar BBC.

Në një deklaratë të re, ministria thotë se është e shqetësuar nga raportet për vdekjet e civilëve dhe ka përsëritur një thirrje që Izraeli të mbetet i përkushtuar ndaj armëpushimit.

“Turqia do të vazhdojë solidaritetin e saj me popullin palestinez dhe do të vazhdojë të mbështesë përpjekjet për të siguruar një paqe të drejtë, të qëndrueshme dhe gjithëpërfshirëse në rajon”, shton deklarata.