Fermin Lopez e tejkalon Lionel Messin si lojtari i dytë më i ri i Barcelonës që shënon një hat-trik në Ligën e Kampionëve

Mesfushori i Barcelonës, Fermin Lopez, shënoi një tregolësh të jashtëzakonshëm kundër Olympiacos në fitoren 6-1, duke e bërë atë të kalojë legjendarin Lionel Messi si lojtari i dytë më i ri në histori të klubit që shënon një tregolësh në Ligën e Kampionëve, pas vetëm Neymarit.

Lopez arriti këtë sukses në moshën 22 vjeç e 163 ditë, ndërsa Messi e kishte bërë tregolëshin e tij të parë në në Ligën e Kampionëve më 6 prill 2010 kundër Arsenalit dhe Neymar më 11 dhjetor 2013 kundër Celtic, në moshën 21 vjeç e 309 ditë.

Kjo arritje është edhe më e veçantë duke pasur parasysh se Fermin Lopez nuk është një sulmues tipik, si Messi apo Neymar.

Ai luan kryesisht si mesfushor sulmues ose si sulmues i rremë në sistemin e Hansi Flick, por performanca e tij tregon se talenti dhe instinkti për gol nuk kanë kufij.

Ky tregolësh nuk vetëm që e vulosi fitoren e thellë të Barcelonës ndaj Olympiacos, por gjithashtu vendos Lopezin në radar si një nga mesfushorët më premtues të Evropës në Ligën e Kampionëve.