Elektrodistribuimi me investime strategjike në tension të lartë dhe të mesëm

 
Investime milionëshe për modernizimin e rrjetit të tensionit të lartë dhe të mesëm
Shkup, 03.10.2025 – Elektrodistribuimi investoi mbi 20 milionë euro në modernizimin dhe
rinkonstruimin e rrjetit distributiv në tension të lartë dhe të mesëm në gjysmën e parë të vitit. Këto
investime të rëndësishme janë të destinuara për projekte që synojnë përmirësimin afatgjatë të cilësisë
dhe sigurisë së furnizimit të konsumatorëve, si dhe rritjen e fuqisë dhe kapacitetit të rrjetit distributiv.
Një projekt i madh që po realizohet aktualisht në qendër të Shkupit është trafostacioni i tensionit të
lartë 110/35/10 kV “Qendrorja”, në ndërtimin e të cilës deri më tani janë investuar 11 milionë euro.
Tjetër investim i rëndësishëm, në projektet e kabllimit, tejkalon 9 milionë euro. Këto projekte përfshijnë
zëvendësimin e linjave ekzistuese ajrore me kabllo nëntokësore dhe ndërtimin e linjave të reja
kabllore me një gjatësi prej 110 kilometrash nëpër disa vende si Aerodrom, Peshtani, Zajas,
Tajmishte, Strumicë dhe Dellçevë.
Deri në fund të vitit është planifikuar instalimi i kabllos së re 110 kV në drejtimin Jug Nova – Qendrorja
– Vardar.
Këto investime të Elektrodistribuimit përmirësojnë nivelin e efikasitetit të të gjithë sistemit.