Shkumbin Ismaili sjell premierën e këngës “Malli” (VIDEO)
Shkumbin Ismaili rikthehet fuqishëm në skenën muzikore me premierën e këngës së tij më të re me titull “Malli”. Projekti sjell një përzierje të fuqishme emocionesh, zëri karakteristik të Shkumbinit dhe një prodhim të realizuar me përkushtim deri në detajin më të vogël.
Kënga “Malli” mban vulën e vetë artistit, i cili është autor i muzikës, tekstit, miksimit dhe aranzhimit. Kitarat janë interpretuar mjeshtërisht nga Pellumb Qerimi, ndërsa pjesa e mastering-ut është realizuar nga producenti i njohur Simon Duggal, duke i dhënë projektit një tingull modern e ndërkombëtar.
Videoklipi është prodhuar nga General Studio, nën regjinë e Ana Marija Sabo, me Dario Sabo si drejtor fotografie. Vizualet përçojnë ndjesinë e titullit, duke e bërë këngën jo vetëm një përjetim muzikor, por edhe estetik.
Me këtë projekt, Shkumbin Ismaili e forcon edhe një herë reputacionin e tij si një nga artistët më të kompletuar të skenës shqiptare, duke sjellë muzikë me shpirt, teknikë dhe mesazh.
“Malli” tashmë është publikuar dhe është gati të prekë zemrat e publikut.