Turqia paralajmëron Qipron për blerjen e sistemit të mbrojtjes ajrore izraelite: Destabilizon ekuilibrin e brishtë në ishull

Zyrtarët turq thonë se Ankaraja po monitoron nga afër raportet për blerjen nga Qipro e një sistemi izraelit të mbrojtjes ajrore Barak MX, duke paralajmëruar se ky veprim mund të destabilizojë një “ekuilibër të brishtë” në ishullin e ndarë.

Zyrtarët e Ministrisë turke të Mbrojtjes thanë se ishin të shqetësuar për raportet që sugjeronin se një Barak MX i prodhuar në Izrael ishte dorëzuar në Qipro.

Zyrtarët, të cilët folën në kushte anonimiteti, thanë se përpjekjet e vazhdueshme të Qipros për armatim mund të kërcënojnë paqen dhe stabilitetin në ishull dhe mund të çojnë në “pasoja të rrezikshme”.

Sistemi izraelit me bazë tokësore është i aftë të kapë njëkohësisht raketa, dronë dhe avionë nga një distancë deri në 150 kilometra. Vendosja e tij do të shënonte një përmirësim të rëndësishëm të mburojës mbrojtëse të Qipros, e cila deri vonë përbëhej vetëm nga armë të epokës sovjetike, siç është sistemi raketor BUK M1-2.

Sistemi izraelit me bazë tokësore është i aftë të kapë njëkohësisht raketa, dronë dhe avionë nga një distancë deri në 150 kilometra.

Vendosja e tij do të shënonte një përmirësim të rëndësishëm të mburojës mbrojtëse të Qipros, e cila deri vonë përbëhej vetëm nga armë të epokës sovjetike, siç është sistemi raketor BUK M1-2.