Kievi: 58 kilometra katrorë territor u rimorën në gusht

Në muajin gusht, ushtria ukrainase rimori kontrollin e 58 kilometrave katrorë territor dhe çliroi disa vendbanime nga pushtimi rus.

Kështu deklaroi komandanti i Forcave të Armatosura të Ukrainës, Oleksandr Syrsky, i cituar nga Ukrainska Pravda. “Gushti 2025 ishte një muaj sprovash të mëdha për ushtrinë tonë, por në fund, arritëm shumë rezultate pozitive”, tha Syrsky.

Forcat Ajrore Ukrainase, nga ana e tyre, thanë se kishin kapur 112 nga 142 dronë që Rusia kishte dërguar mbi Ukrainë gjatë natës.

Në rajonin verilindor të Sumy-t, ofruesi rajonal i energjisë Soumyoblenergo dënoi sulmet ruse ndaj “infrastrukturës kritike”, duke i ndërprerë përkohësisht energjinë elektrike qytetit të Shostka-s.

Ministria e Energjisë përsëriti se infrastruktura e gjenerimit dhe shpërndarjes së energjisë elektrike “nuk janë objektiva ushtarake”.

Edhe pse Rusia pretendon se synon vetëm instalimet ushtarake në Ukrainë, sulmet e saj kanë shkatërruar rrjetin lokal të energjisë gjatë pushtimit trevjeçar.

Bastisjet në një infrastrukturë të tillë, duke i lënë civilët pa ngrohje ose energji elektrike, përbëjnë një problem serioz për këtë vend, ku sezonet dimërore janë të ashpra.