Izraeli pretendon se ka vrarë zëdhënësin e Hamasit

Izraeli ka thënë se Abu Obeida, zëdhënësi i krahut të armatosur të Hamasit, është vrarë në një sulm ajror në Qytetin e Gazës.

Ministri i Mbrojtjes i Izraelit, Israel Katz, përgëzoi Forcat e Mbrojtjes të Izraelit (IDF) dhe agjencinë e sigurisë së Izraelit, Shin Bet, për “ekzekutimin e përsosur” në një postim në X, shkruan BBC.

Hamasi nuk e ka konfirmuar vdekjen e tij. Grupi i armatosur palestinez më parë tha se dhjetëra civilë u vranë dhe u plagosën në sulmet ajrore izraelite në një ndërtesë banimi në lagje.

Gazetarët vendas raportuan se të paktën shtatë persona ishin vrarë dhe 20 të plagosur në sulmet në lagjen e dendur të populluar al-Rimal të Qytetit të Gazës, me fëmijë midis viktimave.