“Nuk më intereson”, Reece James i pa shqetësuar nga etiketimi i PSG-së si favorit për finalen së Kupës së Botës për Klube

“Nuk më intereson”, Reece James i pa shqetësuar nga etiketimi i PSG-së si favorit për finalen së Kupës së Botës për Klube

Kapiteni i Chelseat, Reece James, nuk është i trembur nga parashikimet, ndërsa skuadra e tij përgatitet të përballet me Paris Saint-Germain në finalen e Kupës së Botës për Klube të dielën.

Pavarësisht serisë mbresëlënëse të PSG-së, që përfshin fitimin e Kupës së Francës, Ligue 1 dhe Ligës së Kampionëve, James këmbëngul se Chelsea do të hyjë në ndeshje me një mentalitet fituesi.

“Po përgatitemi siç duhet dhe do të shkojmë atje për të fituar. Kam qenë në shumë finale më parë ku ishim favoritë dhe nuk dolëm fitues”, u tha fillimisht James gazetarëve.

Besimi i James buron nga aftësitë e ekipit të tij dhe ai beson se ata mund të “habisin shumë njerëz” në skenën më të madhe.

Trajneri i Chelseat, Enzo Maresca, mund ta ketë quajtur PSG-në “ekipin më të mirë në botë”, por lavdërimet për kundërshtarët e tyre nuk e ndikojnë aspak Jamesin.

“Të them të drejtën, nuk më intereson që të gjithë po e lavdërojnë kundërshtarin tonë”, shtoi anglezi.

James theksoi punën analitike që ekipi i tij do të ndërmarrë për të identifikuar dobësitë e PSG-së.

“Jam i sigurt se ekipi i analistëve që kemi do të shqyrtojë ndeshjet ku PSG nuk ka bërë aq mirë, dhe ne do të përpiqemi të përshtatemi me këtë”.

Pavarësisht natyrës rinore të të dyja skuadrave, James e pranon cilësinë e PSG-së, duke thënë: “PSG është e mrekullueshme dhe presim një ndeshje të vështirë”.

Megjithatë, ai është i bindur se Chelsea ka atë që duhet për të bërë një surprizë dhe për të sjellë në shtëpi trofeun e lakmuar.