Gjimshiti në klubin e “mrekullisë”, protagonist në rritjen e vlerës së Atalantës

Prej kohësh është cilësuar si një Perëndeshë. Në Itali kanë një dashuri dhe respekt të jashtëzakonshëm për Atalantën, ndërsa mediat tregojnë se çfarë ka arritur ky klub në vetëm 10 vjet.

Sipas të përditshmes kryesore, “La Gazzetta dello Sport”, që i referohet portalit “Atalanta Oggi”, vlera e shoqërisë futbollistike është katërfishuar, duke arritur nga 150 në 600 milionë euro.

Kjo, nga 2015 deri në 2025.

Ka qenë pikërisht periudha kur tek Atalanta ka luajtur Berat Gjimshiti, që mbërriti në Stadiumin Gevis, të njohur më shumë me emrin “Stadiumi i Atletëve të Kaltër të Italisë” pikërisht në 2015 kur ishte 22 vjeç.

U huazua për një vit tek Avelino në Serinë B dhe te Cremonese në Serinë A, ndërsa gjithë periudhën tjetër e kaloi me fanellën zikaltër.

Për ekipin e trajnerit Giampiero Gasperini luajti 287 ndeshje gjithsej, duke shënuar 10 gola e shërbyer 10 asistë.

Vetëm në Serinë A arriti 250 paraqitje, me 5 gola e 11 asistë, përcjell abcnews.

Ishte pikërisht kapiteni i Shqipërisë që udhëhoqi ekipin si kapiten në finalen e Ligës së Europës përballë Leverkusenit të pathyer gjerman, në fitoren e madhe 3-0, duke i dhuruar klubit dhe tifozëve trofeun e dytë në histori, pas Kupës së Italisë të vitit 1963.

E gjitha kjo nuk do të kishte qenë e mundur pa trajnerin Gasperini, që mbërriti në Bergamo në 2016 dhe u largua pikërisht këtë verë.