Qeveria: Është miratuar Strategjia e re për konfiskimin e pasurisë së fituar në mënyrë të paligjshme

Të nderuar,

Sot u mbajt mbledhja e 84-të e Qeverisë.

Me qëllim sigurimin e kushteve dhe ndërtimin e kapaciteteve institucionale për zbatimin e hetimeve financiare, konfiskimin e pasurisë, kthimin e saj dhe menaxhimin me pasurinë e konfiskuar, Qeveria miratoi Strategjinë për forcimin e kapaciteteve për zhvillimin e hetimeve financiare dhe konfiskimin e pasurisë për periudhën 2025–2028 me Plan për Veprim.

Qeveria e Republikës së Maqedonisë së Veriut me këtë dokument e konfirmon përkushtimin e saj për luftën kundër krimit të organizuar dhe korrupsionit, duke synuar përmes një qasjeje sistematike të forcojë institucionet përgjegjëse për zhvillimin e hetimeve financiare që do të rezultonin me konfiskimin e pasurisë së fituar në mënyrë të paligjshme.

Edhe dokumenti më i mirë strategjik mbetet vetëm një copë letër nëse nuk ka rezultate nga zbatimi i qëllimeve dhe aktiviteteve të përcaktuara.

Për këtë arsye, po e përmirësojmë nivelin e monitorimit, kështu që përveç Komisionit Kombëtar për hetime financiare dhe konfiskim të pasurisë, do të themelohet edhe Këshilli Nacional për hetime financiare dhe konfiskim të pasurisë.