BDI Gostivar: Përfaqësim jo i drejtë i shqiptarëve në Gjykatën Themelore në Gostivar

Bashkimi Demokratik për Integrim – Dega në Gostivar ka reaguar për punësimet e fundit në Gjykatën Themelore në Gostivar.
Nga BDI thonë se janë punësuar me kontrata në vepër 11 maqedonas dhe 5 shqiptarë, duke treguar mungesë barazie dhe diskriminim ndaj shqiptarëve.
Reagimi i plotë:
Dështimi i radhës i qeverisë: Përfaqësim jo i drejtë në Gjykatën Themelore në Gostivar!
Në Gjykatën Themelore të Shtetit në Gostivar, në Shkurt të këtij viti janë punësuar me kontrata në vepër, 11 maqedonas dhe vetëm 5 shqiptarë.
Ky raport i pabarabartë ka ngritur shqetësime për përfaqësimin jo të drejtë dhe mungesën e barazisë në institucionet shtetërore. Kritikat ndaj qeverisë po rriten, duke e akuzuar atë për mosrespektimin e parimeve të përfaqësimit proporcional dhe diskriminimin e shqiptarëve.