Projekti për Qendrën e re Klinike në pauzë, “8 Shtatori” do të bëhet Qendra Rajonale

Pacientët nga Shkupi, Kumanova dhe Velesi do të trajtohen në “8 Shtator”, që planifikohet të bëhet qendër rajonale. Kështu bëri të ditur sot në konferencë për media, drejtori i Fondit për sigurim shëndetësor, Sashko Klekovski. Duke prezantuar buxhetin e Fondit për vitin 2025, Klekovski tha se riorganizimi i “8 Shtatorit” është pjesë e strategjisë së shëndetësisë, qeveritare dhe partiake, dhe se aktualisht ideja për një Qendër të re Klinike është prolonguar për të parë se cilat janë nevojat e shoqërisë.