Një lutje për spin doctor-at e BDI-së

Zëvendës kryeministri i parë Izet Mexhiti përmes një postimi në rrjetet sociale ka thumbuar BDI dhe ata që shkruajnë komunikata duke i quajtur spin doctor-a.

“Luten spin doctor-at e BDI-së aktualisht në arratisje nga drejtësia, të ndalojnë me manipulimin dhe shtrembërimin e fakteve. Në vend të keqinterpretimit të qëllimshëm të sondazheve, ata shqiptarëve ua kanë për borxh t’u tregojnë se sa para kushtoi liria e Sasho Mijallkovit dhe e Nikolla Gruevskit.

E kuptoj se duke qenë 100% të përkushtuar në biznesin e kazinove, fatin e shqiptarëve e kanë trajtuar vetëm si përqindje në tavolinën e kumarit dhe asgjë më shumë. Prandaj edhe jeni bërë gaz i botës e turpi i shqiptarëve. Sot u kapët në rrenë dhe në vend se të ulni kokën, vazhdoni të bëni zhurmë. Po çka është turpi për rezilin?!

Ndërkohë, largimi i aktivistëve dhe votuesve të ndershëm nga partia e listës së zezë BDI dhe aderimi në Lëvizjen Demokratike po vazhdon me tempo të fuqishme dhe të fortë.

Veç rrini rahat” ka shkruar Mexhiti