DETAJE: Tre vetura, një kamion dhe një autobus kanë qenë të përfshira në aksidentin në Qarkoren e Shkupit

Tre automjete, një kamion dhe një autobus kanë qenë të përfshirë në aksidentin e rëndë të trafikut që ndodhi mbrëmë rreth orës 20:30 në autostradën – unazë e qytetit të Shkupit, afër nyjës Smillkovcë.

Sipas informacioneve nga MPB, aksidenti ndodhi ndërmjet një automjeti “Volkswagen Golf” me targa të Shkupit, i drejtuar nga K.S. (54) nga fshati Haraçinë, Shkup, një automjeti “Hyundai” me targa të Kosovës, i drejtuar nga B.B. (54) nga Kosova, një automjeti “BMW” me targa të Shkupit, i drejtuar nga M.D. (27) nga fshati Radiçan, Shkup, një kamioni “Scania” me rimorkio dhe targa bullgare, i drejtuar nga D.D.V. (55) nga Bullgaria dhe një autobus i parkuar “Sanos” me targa të Shkupit.

Në aksident, drejtuesi K.S. ka pësuar lëndime të rënda trupore, ndërsa drejtuesit B.B. dhe M.D. kanë pësuar lëndime trupore, të cilat janë konstatuar në Spitalin e Përgjithshëm të Qytetit “Shën Naum Ohri” në Shkup, njoftojnë nga policia.

Një inspektim është kryer nga ekipi i inspektimit të SPB Shkup.