Klekovski: Buxheti për Onkologjinë është rritur, nevojitet vendosje e regjistrit të pacientëve për planifikim dhe ndjekje adekuate

Drejtori i Fondit për sigurim shëndetësor, Sasho Klekovski në deklaratë për MIA-n thotë se nga Klinika universitare për radioterapi dhe onkologji (KURO) janë informuar për mungesën e një numri të caktuar të medikamenteve, pasi që pacientë të Klinikës paraprakisht sot alarmuan se po përballen me mungesë të terapisë biologjike.

“Sipas informatave nga Klinika, kjo është për shkak se planifikimi joadekuat në vitin 2024, kalimi nga viti 2024 në vitin 2025 dhe numri i rritur i pacientëve në dhjetor. Fondi në vitin 2024 për KURO miratoi plotësisht pesë mulionë euro. Fondi punon me marrëveshje të buxhetit të rritur për vitin 2025. Edhe përkundër përpjekjeve për rritje të financave, KURO duhet të ketë kritere të qarta dhe transparente për përfshirje të pacientëve në terapitë e posaçme. Duhet të vendoset regjistër i pacientëve dhe përmirësime të tjera për planifikim adekuat dhe ndjekje”, nënvizoi Klekovski për MIA-n.

Siç informuan paraprakisht për MIA-n disa nga pacientët e Onkologjisë, për momentin nuk ka terapi biologjike, përkatësisht medikamentet “atezolizumab (tecentriq)”, “bevacizumab (avastin)”, “palbociclib”, “ribociclib”, “fulvestrant” dhe “cetuximab”. Ata druajnë se për kohë të shkurtë mund të mungojnë edhe “trastuzumab emtansine (kadcyla)”, “nivolumab”, “cobimetinib” dhe “vemurafenib”.

“Klinika për onkologji nuk është në mundësi t’i prëgjigjet rritjes së numrit të pacientëve me kancere metacistike dhe kjo është një prej shkaqeve përse paraqitet kjo mungesë. Si arsye e dytë dhe diçka që ne pacientët e shohim si epilog pozitiv, është se vazhdohet jeta e pacientëve dhe prandaj një periudhë më të gjatë kanë nevojë për këtë terapi. Edhe pse vitin e kaluar me aneks u miratuan mjete shtesë, dukshëm edhe ato nuk mjaftuan. Mungesë të terapisë ka nga e premtja, Onkologjia po tenton të marrë mjete shtesë që të mbyllet kjo vrimë deri në miratimin e buxhetit të ri”, deklaroi për MIA-n Ana Marjanoviq, paciente dhe pjesë e shoqatës “Hema-onko”.

MIA iu dre3jtua edhe klinikës universitare për radioterapi dhe onkologji në Shkup.

“Gjendja me qasjen drejt terapisë biologjike është rezultat i procedurave administrative, që realizohen në pajtim me buxhetin për vitin 2024. Ky buxhet ishte përpunuar në vitin e kaluar në bazë të vlerësimeve në atë periudhë dhe nuk i reflektoi tërësisht nevojat rrjedhëse të klinikës. Plotësisht, duhet të merren parasysh edhe rritja e vazhdueshme e numrit të pacientëve të onkologjisë, si dhe ndërlikuehsmëria e proceseve administrative dhe financiare që ndikojnë ndaj furnizimit të medikamenteve”, na u përgjigjën nga Klinika.

Lidhur me sfidat me procedurat e tenderit, siç informojnë, tashmë po ndërmerren masa për planifikim më të mirë të furnizimeve dhe thjeshtësim të procedurave, në bashkëpunim me Fondin për siguri shëndetësor dhe Ministrinë e Shëndetësisë.

“Qëllimi ynë është të sigurojmë furnizim me kohë dhe të vazhdueshëm me këtë lloj terapie për pacientët, besojmë se me këto masa, mungesa aktuale do të tejkalohet në afatin sa më të shkurtë. Ndërkohë, pacientët po trajtohen me terapinë që për momentin është e kapshme në Klinikë, në pajtim me rekomandimet e specialistëve dhe protokolleve mjekësore për trajtim”, ceket në përgjigjen e Klinikës në pyetjet e MIA-s.