Real Madridi kërkon “të paprekshmin” te Man. Siti

Real Madrid raportohet se ka shprehur interesim për njërin prej lojtarëve të Man. Sitit pas humbjes ndaj Barcelonës. Siç ka raportuar CaughtOffside, ‘Los Blancos’ kanë vendosur që të ‘testojnë ujërat’ me një ofertë për sulmuesin Savinjo.

“Real Madridi dhe PSZH-ja kanë dërguar vëzhgues për ta përcjellë lojtarin në javët e fundit, gjatë ndeshjeve ndaj Lester Sitit dhe Uest Hemit. Është kuptuar se të dyja klubet nuk ishin zhgënjyer nga ajo që panë, me Real Madridin që pritet të bëjë një lëvizje shokuese për lojtarin këtë muaj si rezultat”, thuhej në raport.

Sidoqoftë, është sugjeruar se Man. Siti e cilëson lojtarin si ‘të paprekshëm’. Deri më tani në sezonin 2024/2025, Savinjo ka arritur të shënojë një gol dhe ka tetë asistime në 26 ndeshje në të gjitha garat. Forma e lartë që ai ka shfaqur ka bërë që Pep Guardiola ta vendos në formacionin titullar para Xhek Grilish.