Izet Mexhiti paralajmëron tre projekte të mëdha për Çegranin (FOTO)

“Me kënaqësi ndaj lajmin për projektet madhore që do të realizohen në Çegran gjatë vitit 2025, të cilat janë investime të rëndësishme për përmirësimin e cilësisë së jetës dhe zhvillimin e qëndrueshëm të komunës së Gostivarit:
– Ndërtimi i rezervuarit të ri dhe rrugës së qasshme, me një vlerë prej 30 milionë denarësh.
– Ndërtimi i linjës së re të ujësjellësit nga Forina deri në Çegran, me një vlerë prej 28 milionë denarësh.
– ⁠Ndërtimi i kanalizimit të fshatit.
Këto projekte janë rezultat i angazhimit të përbashkët dhe vizionit të qartë për zhvillimin e komunës. Pas takimit konstruktiv me kryetarin e komunës së Gostivarit, Valbon Limani, ku diskutuam prioritetet kryesore për përmirësimin e infrastrukturës, më pas, pata nderin të takoj banorët e Çegranit, ku ndava me ta lajmin për këto investime të rëndësishme, që do të kenë ndikim të drejtpërdrejtë në jetën e tyre të përditshme.
Bashkëpunimi ynë do të vazhdojë për të siguruar zhvillim dhe mirëqenie për të gjithë qytetarët e komunës së Gostivarit!” ka shkruar Mexhiti