Ancelotti për finalen: Nëse humbim kundër Barcelonës, sezoni vazhdon

Carlo Ancelotti ka folur për finalen e ardhshme të Superkupës së Spanjës kundër Barcelonës , duke theksuar gatishmërinë e skuadrës së tij.

Barcelona dhe Real Madridi do të ndeshen të dielën mbrëma në finalen e Superkupës së Spanjës dhe Ancelotti ka dhënë mendimet e tij për këtë ndeshje të madhe El Clasico që vlen për trofeun e parë të vitit.

“Jemi të përgatitur për kritika pas ndeshjes sepse rezultati nuk është i parashikueshëm. Ajo që mund të kontrollojmë është performanca në ndeshje dhe jam i bindur se nesër do të bëjmë jo vetëm mirë, por edhe shumë mirë”, ka thënë fillimisht Ancelotti.

Trajneri i Real Madrid e pranoi sfidën e paraqitur nga rivalët e tyre.

“Barcelona është një rival historik dhe ndeshjet që ne luajmë kundër tyre janë shumë të vështira dhe konkurruese, kjo është e qartë. Për ne dhe për ta. Rezultati i lojës nuk mund të parashikohet dhe ne përpiqemi të bëjmë më të mirën”.

“Nëse humbim nesër, sezoni vazhdon. Është një finale dhe ne jemi shumë afër një trofeu tjetër dhe po mendojmë pozitivisht, por jam i vetëdijshëm se në futboll çdo gjë mund të ndodhë, veçanërisht nëse rivali është po aq i fortë sa Barcelona”, përfundoi trajneri i Los Blancos.