Shakira zbulon se cili këngëtar e ndihmoi gjatë ndarjes me Piquen: Ai më shkruante çdo ditë, për të parë nëse po bëja më mirë

Në një nga intervistat e fundit, Shakira zbuloi se cili këngëtar e ndihmoi gjatë ndarjes me Gerard Pique.

Ylli kolumbian i tregoi Rolling Stone se ishte frontmeni i Coldplay, Chris Martin. Ata u afruan ndërkohë që ajo po kalonte një ndarje të vështirë.

“Ai ishte pranë meje kur u ndava dhe kur isha thyer. Çdo ditë më kontrollonte se si isha, më dërgonte fjalë mbështetjeje”, tha ajo.

Foto: Shakira/Instagram
Ata janë miq prej kohësh dhe këngëtarja 47-vjeçare kishte vetëm fjalë lëvduese.

“Unë e shoh atë si një person që e sheh jetën nga një prizëm tjetër, i cili është i ndjeshëm ndaj nevojave të njerëzve të tjerë dhe është shumë empatik”, shtoi ajo.

Miqësia e Chris dhe Shakira daton që nga sezoni i gjashtë i “The Voice”, dhe këngëtari i Coldplay ishte një mentor i ftuar.

Foto: Shakira/Instagram
Meqë ra fjala, Shakira u nda me Pique në vitin 2022, me të cilin ka djemtë Milanin (11) dhe Sasha (9). Në të njëjtin vit, qarkulluan thashetheme se ylli i futbollit po e tradhtonte me partneren e tij aktuale, Clara Chia Marti.

Chris Martin e di se si është të kalosh një të ashtuquajtur ndarje publike, pasi u divorcua nga Gwyneth Paltrow në vitin 2014 pas 11 vitesh martesë. Ai ka dy fëmijë me Gwyneth, Apple (20) dhe Moses (18).