Mexhiti: Me paratë e BERZH-it do të përmirësohet pastërtia në rajonin e Pollogut dhe funksionimi në deponinë Rusino

Tejkalimi i problemeve në funksionimin e deponisë rajonale Rusino është parashikuar me paratë e Bankës evropiane për rindërtim dhe zhvillim, paralajmëroi ministri i Mjedisit Jetësor dhe Planifikimit Hapësinor, Izet Mexhiti pas takimit me kryetarin e Komunës së Gostivarit dhe udhëheqësinë e NP Rusino – Pollof. Prokurimi i mekanizimit do të ulë dukshëm shpenzimet e ndërmarrjes tha ministri.

Mexhiti përmedi se është informuar për situatën dhe për të parë më saktë gjendjen e deponisë dhe si mund të trajtohet.

“Ministria e Mjedisit Jetësor tashmë është duke zhvilluar një procedurë tenderimi me mjete nga BERZH, nga të cilat janë marrë 55 milionë euro. Një pjesë e mirë e tyre do të shkojnë edhe për deponinë Rusino. Ideja është që diku rreth muajit mars, gjithçka që deponia paguan aktualisht si outsourcing, të ketë si mekanizim të vetë”, tha Mexhiti.