“Real Madridi nuk është PSG”, Ronaldo: Mbappe duhet t’i bëjë ballë presionit

Kylian Mbappe po lufton për të imituar rolin e Cristiano Ronaldos te Real Madrid që nga ardhja e tij në Spanjë. por deri tani ai ka humbur dy penallti në tre ndeshje për Los Blancos në të gjitha garat.

Kylian Mbappe ka qenë në qendër të vëmendjes, por vetëm për tu kritikuar. Ylli francez nënshkroi për Real Madridin nga PSG në verë, por ka dështuar në mënyrë drastike për të justifikuar potencialin e tij deri më tani.

Cristiano Ronaldo, i cili është golashënuesi më i mirë në historinë e Real Madridit, së fundmi ka folur për transferimin e Mbappes në Madrid. Ylli 39-vjeçar i Al-Nassr përsëriti faktin se francezi duhet të përballet me presionin pasi Real Madridi nuk mund të krahasohet me PSG-në.

Gjatë një bisede me Rio Ferdinand, ai tha, “Le të shohim nëse ai do të jetë mirë dhe i fortë mendërisht për tu përballur me presionin, sepse Real Madrid nuk është PSG”.

“Nuk e di se si do të jetë ecuria e tij më tej, dhe sa ai do të jetë në gjëndje të mbajë presionin e një klubi të madh si Reali, mbetet për tu parë, por unë mendoj se Madridi do të qëndrojë i fortë, por nuk e di nëse do të jenë më të mirë se vitin e kaluar. nuk e di. Le të shohim. Vetëm Zoti e di. Por ata kanë një ekip fantastik, lojtarë fantastikë”, tha Ronaldo.

Kriza e Mbappe u bë më e dukshme pas humbjes së fundit të penalltisë kundër Athletic Bilbao në La Liga, ku Madridi përfundoi duke humbur atë lojë. Kjo ishte penalltia e tij e dytë e humbur në tre ndeshje, pasi ai gjithashtu humbi një goditje nga pika në humbjen e Madridit kundër Liverpool në UEFA Champions League.

Mbappe mbërriti mes shumë bujë dhe pavarësisht se shënoi 10 gola për Los Blancos, ai është përballur me kritika të ashpra për performancën e tij në fushë. Madridi ka arritur të kapërcejë diferencën me FC Barcelona në ligën e parë spanjolle pasi janë vetëm katër pikë larg liderëve të ligës me një lojë më pak.