Barcelona mbetet edhe pa një mbrojtës

Pas Andreas Christensenit, skuadrës së Barcelonës i është lënduar edhe një qendërmbrojtës. Të martën mediumet spanjolle kanë raportuar se Eric Garcia ka pësuar lëndim në këmbën e djathtë.

Ai pritet t’i mungojë Barçës për disa javë. Te gjiganti katalunas është lënduar më herët edhe mbrojtësi uruguaian Ronald Araujo.

Barcelona në afatin kalimtar të verës i ka larguar dy qendërmbrojtësit, Clement Lenglet dhe Mikayil Faye.

Trajneri Hansi Flick momentalisht në dispozicion ka vetëm dy qendërmbrojtës.

Pau Cubarsi dhe Inigo Martinez janë në gjendje të mirë fizike dhe janë të gatshëm për ndeshje.