Ahmeti: BDI-ja ka thyer shumë tabu, kemi udhëhequr mbrojtjen, policinë tash edhe kryeministrin

Duke folur për mbajtjen e premtimit për “kryeministrin shqiptar” dhe thyrjen e tabuve, kreu i Bashkimit Demokratik për Integrim, Ali Ahmeti tha se BDI-ja ka thyer shumë tabu në Maqedoni.

Sipas tij, tabu në Maqedoni nuk ishte vetëm emrimi i kryeministrit shqiptar dhe shton se tabu ka qenë në të kaluarën, ministri i Mbrojtjes, ministri i Brendshëm dhe shumë të tjerë.

“Dikur ishte tabu që ministër i mbrojtjes të jetë shqiptar,njejtë ashtu edhe për ministër të jashtëm shqiptar të flitej ishte tabu, po edhe për Ministër të brendshëm shqiptar”, tha mes tjerash Ahmeti.