Eliminatoret ‘EURO 2024’/ Njihuni me sfidat e mbrëmjes së sotme

Kualifikueset e Europianit kanë hyrë në mbrëmjen e parafundit, me shumë skuadra që kërkojnë të mësojnë fatet e tyre.

Përveç Shqipërisë, në fushë në Grupin E do të zbresin dhe Republika Çeke me Moldavinë. Çekëve i mjafton vetëm një barazim për të qenë pjesë e Europianit, teksa moldavët kërkojnë të shkruajnë historinë dhe të triumfojnë në “Andruv Stadion”.

LEXO EDHE:
Portugalia e mbyll me 30 pikë, Luksemburgu e Sllovakia fitojnë sfidat e fundit
Një tjetër duel që pritet me interes është ai i Grupit C mes Ukrainës dhe Italisë, të cilat janë të dyja me pikë të barabarta. “Axurrëve” do t’i mjaftojë vetëm një barazim, teksa ukrainasit luajnë për të marrë një fitore në Leverkusen.

Kualifikimi luhet edhe në Ljubljana mes Sllovenisë dhe Kazakistanit, e vlefshme për Grupin H, me këtë të fundit që do kërkojë të surprizojë dhe të shkojë për herë të parë në Europian.