Shakhtar Donetsk shokon Barcelonën, fiton me rezultat minimal
Shakhtar Donetsk është përkujdesur për befasinë e kësaj mbrëmjeje në Ligën e Kampionëve.
Skuadra e drejtuar nga Marino Pusic ia shkaktoi sonte humbjen e parë Barcelonës.
Ndeshja e zhvilluar në “Volsparkstadion” të Hamburgut përfundoi me rezultatin 1:0.
Golin e vetëm dhe të fitores për ukrainasit e shënoi Danylo Sikan, në minutën e 40-të.
Shakhtar Donetsk tani ka gjashtë pikë dhe renditet në pozitën e tretë në Grupin H.
Barcelona mbetet lidere me 9 pikë.
Porto, që pozicionohet në vendin e dytë në grup, sonte do të takohet me Antwerpin, që renditet i fundit dhe ende është pa pikë.