Renova-Vëllazërimi, superderbi i kësaj jave në Ligën Komunale
Superderbi i Ligës së katërt Komunale do të luhet të dielën në Xhepçisht mes Renovës dhe Vëllazërimit ,një ndeshje për kreun e tabelës shkruan Tetovasot.
Kjo përballje do zhvillohet në njërin ndër stadiumet më të mira dhe ka zgjuar interesim të madh sepse skuadra e njohur që ka qenë pjesë e elitës së futbollit në vend Renova do të ndeshet me liderin e tabelës Vëllazërimin që ka edhe një ndeshje më pak .
Liga Komunale poashtu ka edhe skuadra tjera shumë cilësore që po bëjnë një kampionat shumë të mirë dhe ajo që është për tu admiruar ka të bëjë me korrektësinë dhe frymën sportive në të gjitha klubet që tregon një shkallë të lartë sportiviteti .Tetovasot