Pamje të rënda, ish-futbollisti anglez shihet duke e rrahur pamëshirë të dashurën e tij

Ish-futbollisti anglez Shaquille McDonald së fundmi është bërë temë diskutimi në Angli pasi shihet duke rrahur brutalisht një vajzë dhe tani në rrjetet sociale janë shfaqur fotot e vajzës së rrahur.
Ish-futbollist i Derby County dhe Birmingham City, sulmoi të dashurën e tij, Amy Beckley, në një klub nate, shkruan “Daily Mail”, përcjell lajmi.net.

McDonald e hodhi vajzën në dysheme më pas vazhdoi ta rrihte, gjë që u regjistrua nga kamerat. Vajza u hodh nga një ballkoni katër metra i lartë për të shpëtuar.

“Më rrahu dhe më mbyti derisa më ra të fikët. Më gërvishti fytyrën, më kafshoi, më goditi, më goditi me shuplakë, më përplasi kokën pas një muri betoni. Ai tha se do të thërriste një shok që të më rrihte edhe ai. Më mbylli dhe më sulmoi kur doja të ikja” tha vajza fatkeqe e cila ka lëndime të shumta në kokë dhe në trup, dhe gjithashtu theu të dy bërrylat.