“Jam një londinez” – Henry flet me nostalgji për kohën e kaluar te Arsenali

Gjatë një diskutimi në “The Rest Is Football” me Gary Lineker, Micah Richards dhe Alan Shearer, legjenda dhe trajneri aktual i Francës U21, Thierry Henry, foli gjerësisht për kohën e tij të kaluar te Arsenali.

Ai zbuloi se Arsenali ishte vendi ku ai ishte më i lumtur në karrierën e tij, përpara se të zbulonte se e konsideronte veten një londinez.

“Unë mendoj se Arsenali sepse gjithçka ka ndryshuar për mua profesionalisht dhe personalisht. Unë gjithmonë them se jam krenar dhe shumë i lumtur të jem francez, por jam një londinez”, pranoi Henry.
“Unë u bëra tifoz i Arsenalit dhe e kuptova se çfarë do të thoshte për shkak të gardës së vjetër, do të jem i sinqertë me ju. Tifozët gjithmonë të bënin të ditur nëse po luan keq dhe mua më pëlqente gjithmonë kjo tek ata”, shtoi legjenda e futbollit francez dhe Arsenalit.

“Kështu që ata e dinin se ishte vendi ku isha më i lumtur. Ata e dinin se kur isha i mërzitur, ndonjëherë më thoshin ‘Thierry ke qenë sh*t sot’ dhe unë kisha nevojë për këtë dhe ata e dinin këtë për mua. Ishte autentike dhe më mungon ajo pjesë e lojës. Do të debatoja me tifozët e Arsenalit në fushë, në parkingun e makinave dhe në qytet, sepse ne të gjithë e donim shumë klubin”, deklaroi 46-vjeçari.

Në 377 paraqitje në total me fanellën e Arsenalit, fituesi i Kupës së Botës 1998 shënoi 228 gola dhe regjistroi 103 asistime.

Thierry Henry me “Topçinjtë” fitoi dy tituj kampioni në Premierligë, tre trofe të Kupës FA dhe dy të Superkupës së Anglisë.

Ai gjithashtu e fitoi katër herë “Këpucën e Artë” në elitën e futbollit anglez.