Po realizohet angazhimi i presidentit për përjashtim të faljes nga sistemi juridik

Në Propozim-ligjin për falje përjashtohet mundësia që presidenti i shtetit të mund të falë persona për të cilët në rrjedhë është hetimi apo procedura gjyqësore.

“Lidhur me Propozim-Ligjin për falje, në përpunimin e të cilit ishin përfshirë edhe përfaqësuesi i presdientit, përfundimisht është përfshirë angazhimi i presidentit Pendarovski për përjashtim të faljes në sistemin tonë juridik, përkatësisht të pamundësohet e drejta e shefit të shtetit të falë persona për të cilët në rrjedhë është procedura hetimore apo gjyqësore, ndërkaq nuk ka aktvendim të plotëfuqishëm”, thonë nga Kabineti i presidentit të shtetit.

Në këtë mënyrë, siç ceket, do të mundësohet që gjykatat penale ta realizojnë në tërësi funksionin e tyre themelor, e ai është në procedurë adekuate ta konstatojnë fajin e të akuzuarve dhe t’i dënojnë kryesit fajtorë të veprave penale.

Ministria e Drejtësisë sot kumtoi se Propozim-ligji për falje është dorëzuar në procedurë qeveritare. Nga atje mes risive kyçe, e cekën çështjen për të drejtën e presidentit të falë persona nga dënimi dhe nga ndjekja penale. Kjo, siç ceket, ishte një nga çështjet më të eksponuara për çka grupi i punës qëndroi prapa zgjidhjes në pajtim të së cilës presidenti mund të falë vetëm për dënim, ndërkaq jo edhe për ndjekje penale të personave të caktuar.