Bayerni fiton me përmbysje ndaj Copenhagen

Bayern Munichi ka regjistruar fitoren e dytë radhazi në Ligën e Kampionëve.

Skuadra e drejtuar nga Thomas Tuchel fitoi sonte në udhëtim ndaj Copenhagen, në ndeshjen e vlefshme për xhiron e dytë në Grupin A.

Ndeshja e zhvilluar në “Parken Stadium” përfundoi me rezultatin 1:2.
Jamal Musiala (67’) dhe Mathys Tel (83’) shënuan golat e fitores për “Bavarezët”.

Lukas Lerager (56’) e shënoi golin e vetëm për vendasit.

Bayern Munichi pas kësaj fitore ka gjashtë pikë dhe prin në grup.

Copenhagen renditet në pozitën e tretë me vetëm një pikë.