Vëllazërimi i gatshëm për fillimin e kampionatit

Dy fitore,katër barazime dhe vetëm një humbje ,këto janë statistikat e shtatë ndeshjeve të zhvilluara kontrolluese të Klubit “Vëllazërimi” nga Sllatina që përbën një sukses të madh sepse skuadra vazhdon të rindërtohet dhe e nisur çdo gjë nga e para shkruan Tetovasot.

Kryetari i klubit Nazim Limani thotë se kjo përbën një sukses që nuk është pritur kaq shpejtë sepse skuadra duket shumë më e mirë nga çfarë mendohej kur dihet se Vëllazërimi rishfaqet sërish pas një pauze të gjatë.
Limani tha se ndihma që dhanë mërgimtarët dhe firmat e respektuara tregon vlerën e madhe të ngritjes së sportit në përgjithësi dhe rithemelimin e klubit në veçanti.Rezultatet e mira do vijnë dhe klubi do jetë sërish aty ku e ka vendin mes më të mirëve thotë Limani që nuk dorëzohet për ndërtimin e stadiumit që ka filluar tashmë të punohet intenzivisht.

Sllatina shquhet për futboll sepse ka treguar gjithnjë vlera sportive si në futbollin e zakonshëm poashtu edhe në atë të sallave me rezultate të paimagjinueshme deri në kampion shtetërorë dhe pjesëmarrje në gara ndërkombëtare.

Por kush fshihet pas këtij suksesi të fundit?! Përgjigja është e thjeshtë-kompaktësia e skuadrës që përbëhet nga lojtarë me përvojë por edhe të rinj që kanë shumë talentë.
Dy trenerët Zemri Idrizi dhe Sejdi Idrizi nuk kanë si mungojnë në këtë drejtim sepse ata kanë bërë një skuadër shumë garuese me një mentalitet fitues duke e rikthyer klubin tek rezultatet e shkëlqyera të së kaluarës.

Ky vit do jetë më shumë i fokusuar tek garimi,dhe nëse jepet çfarëdo mundësie do shfrytëzohet edhe për synime tjera më të mëdha.

Vëllazërimi mbetet si një lokomotivë që sapo fillon të lëvizë dhe nuk ndalet më dhe këtë e ka treguar e kaluara e gjeneratave të arta të fitoreve .

Klubit si asnjëherë më parë nuk i mungon ambicia për garim dhe kjo po forcohet çdo ditë .E veçanta mbeten tifozët që mbushin stadiumin si askund tjetër .Ata janë mbështetja kryesore .Vëllazërimi po forcon poashtu edhe grupmoshat rezultatet e të cilit shumë shpejtë do duken .

Rezultatet e shtatë ndeshjeve kontrolluese Të zhvilluara deri tani ,japin shpresë për një kampionat me rezultate të mira.Tetovasot