Lazio shijon fitoren e parë, e njofton me humbje kampionin

Napoli e ka shijuar humbjen e parë si kampion në fuqi në sezonin e ri në Serie A.

Napolitanët u mposhtën në shtëpi nga Lazio me rezultat 1:2, që e arriti fitoren e parë pas dy humbjeve në elitën e futbollit italian.

Luis Alberto kaloi mysafirët në epërsi në minutën e 30-të, kurse dy minuta më pas Zielinski e barazoi rezultatin.
Kamada në minutën e 52-të e riktheu epërsinë e Lazios.

Në vazhdim, Lazio shënoi edhe dy herë tjera, por ato gola u anuluan më pas nga sistemi VAR për pozicion jashtë loje.

Me këtë fitore, Lazio tani ka tri pikë, kurse Napoli mbetet me gjashtë sosh.